भक्तपुरका ब्यवसायीले पनि लगाए बुस्टर खोप
भक्तपुर, माघ ८ गते
भक्तपुर चेम्बर अफ कमर्शले भक्तपुरका उद्यमी व्यवसायीका लागि पनि कोरोना विरुद्धको बुस्टर खोपको पहुँच दिएको छ । स्वास्थ्य कार्यालय भक्तपुरको सहयोगमा चेम्वरका पदाधिकारी र भक्तपुरका बस्तुगत संघ संस्थाका पदाधिकारीहरुलाई कोरोना विरुद्धको भेरोशेल खोप अन्तर्गत तेस्रो खोप अर्थात बुस्टर खोप दिएका हुन । सुर्यविनायकस्थित भार्टि भेन्यूमा शनिवार आयोजित खोप शिविरमा १ सय ४७ जनाले बुस्टर खोप लगाएका छन् । यसरी खोप लगाउने ब्यक्तिहरुमा ४८ महिला र ९९ पुरुष रहेका छन् ।
९० वर्ष पुगेका जेष्ठ नागरिक हजुर बुवा र हजुर आमालाई खोप लगाएर सो शिविर सुरु गरेको चेम्वर अफ कमर्शका केन्द्रीय सदस्य एवं भौतिक पूर्वाधार सभापति रोशन भ्योद्यले जनाए । योसँगै पहिलोचरणमा १४७ जना ब्यवसायीले बुस्टर खोपको पहुँच पुगेको र अन्य शिविर आयोजना गरी थप खोपको ब्यवस्थापन गर्न चेम्बरले पहल गर्ने उल्लेख गर्दै उद्यमी ब्यवसायी पनि अग्र पक्तिमै रहेर काम गर्नुे वर्ग भएकाले सरकारले व्यवसायीलाई पनि पहिलो प्राथमिकताका साथ खोपको ब्यवस्था गर्नु आवश्यक भएको भक्तपुर चेम्वरका अध्यक्ष न्हुछे रत्न मानन्धरले जनाए । मुलुकको अर्थतन्त्र चलायनमान नभई जनजीवन सहज नहुने उल्लेख गर्दै अध्यक्ष मानन्धरले ब्यवसायीहरुका लागि पनि थप खोपको माग गरेका हुन ।
भक्तपुर चेम्वरसँग आवद्ध उद्यमी ब्यवसायीहरुका लागि पहिलो चरणमा बुस्टर खोप कार्यक्रम आयोजना गरेको भक्तपुर चेम्वरका प्रमुख कार्यकारी अधिकृत राजुमान बज्राचार्यले बताए ।
