भक्तपुरका थप एक हजारमा संक्रमण पुष्टि
भक्तपुर, माघ ६ गते
भक्तपुर जिल्लाका चार वटै नगरपालिका क्षेत्र बसोबास गर्ने थप एक हजार नागरिकहरुमा कोरोना संक्रमण पुष्टि भएको छ । आज एक्कै दिन अहिलेसम्मकै बढी जनामा कोरोना संक्रमण पुष्टि भएको हो । कोरोनाबाट भक्तपुरमा आज थाप ९५८ जना संक्रमित भएका छन् । यसरी संक्रमित हुनेहरुमा भक्तपुर नगरपालिकाका ११५ पुरुष र १२१ महिला गरी २३६ जना, चाँगुनारायण नगरका ६७ पुरुष र ४६ महिला गरी ११३ जना, मध्यपुर थिमी नगरका ११० पुरुष र ११० महिला गरी २२० जना यसै गरी सूर्यविनायक नगरपालिकाका १०९ पुरुष र ११६ महिला गरी २२५ जनामा कोरोना संक्रमण पुष्टि भएको स्वास्थ्य कार्यालय भक्तपुरले जनाएको छ । स्वास्थ्य कार्यालय भक्तपुरका कार्यालय प्रमुख कृष्णबहादुर मिजारका अनुसार यसरी संक्रमित हुनेहरु मध्ये ७५ पुरुष र ८९ महिला गरी १६४ जना संक्रमण पुष्टि भएकाहरु सम्पर्क विहिन अवस्थामा रहेको उल्लेख गरेका छन् । हिजो एक्कै दिन जिल्लामा ५६४ जनामा संक्रमण पुष्टि भएको थियो भने आज एक्कै दिन ९५८ जना संक्रमित भएका हुन ।
