मानवीय सहायता सामग्री लिएर परराष्ट्रको टोली आज काबुल जाँदै ।।
नेपालले अफगानिस्तानलाई आज मानवीय सहायता सामग्री पठाउँदै छ । एउटा विमानभरी मानवीय सहायता सामग्री लिएर परराष्ट्र मन्त्रालयको टोली आज बिहान साढे १० बजे अफगानिस्तानको राजधानी काबुल जाने छ ।औषधि, लत्ताकपडासहितका सहयोग सामग्री लिएर नेपाली टोली जान लागेको सरकारका प्रवक्ता, सूचना तथा सञ्चार प्रविधि मन्त्री ज्ञानेन्द्रबहादुर कार्कीले सीआईएनसँग बताउनुभयो । उहाँले सहायता सामग्रीमा स्वास्थ्य सामग्री र खाना पकाउने भाँडा लगायत रहेको बताउनुभयो । काबुल विमानस्थलमा संयुक्त राष्ट्र सङ्घको टोलीलाई सहायता सामग्री हस्तान्तरण गरिने जनाइएको छ । अमेरिकी सेनाले अफगानिस्तान छाडेपछि हाल विद्रोही सङ्गठन तालिबानले त्यहाँ शासन सञ्चालन गरिरहेको छ ।
