आज थप २६४ जनामा कोरोना सङ्क्रमण पुष्टि, २ जनाको मृत्यु ।
पछिल्लो २४ घण्टामा थप २६४ जनामा कोरोना भाइरस सङ्क्रमण पुष्टि भएको छ । ८ हजार ५३६ जनाको पीसीआर परीक्षण गर्दा २४१ जना र ४ हजार ३० जनाको एन्टीजेन परीक्षण गर्दा २३ जना गरी २६४ जनामा कोरोना सङ्क्रमण पुष्टि भएको स्वास्थ्य तथा जनसंख्या मन्त्रालयलले जनाएको छ । आज कारोना सङ्क्रमणका कारण २ जनाको मृत्यु भएको छ भने २६० जना सङ्क्रमणमुक्त भएका छन् ।योसँगै नेपाल मृत्यु हुनेको सङ्ख्या ११ हजार ५८८ पुगेको छ भने ८ लाख ११ हजार २६५ जना सङ्क्रमणमुक्त भएका छन् । आज थपिएका सङ्क्रमितसँगै नेपालमा कोरोना सङ्क्रमितको कुल सङ्ख्या ९ लाख २३ हजार ९३७ पुगेको छ । मन्त्रालयका अनुसार हाल देशभर सक्रिय सङ्क्रमितको सङ्ख्या ४ हजार ९१० जना रहेका छन् । जसमध्ये ४ हजार ६६५ जना होम आइसोलेसनमा रहेका छन् भने २४५ जना संस्थागत आइसोलेसनमा रहेका छन् । कोरोनाका बिरामीमध्ये ८४ जना आईसीयू र २२ जना भेन्टिलेटरमा उपचाररत् छन् ।
