न्यून चापीय प्रणालीको प्रभावका कारण पर्सिदेखि हल्का तथा मध्यम रुपमा बर्षा हुने संभावना रहेको मौसम पुर्वाअनुमान महाशाखाको भनाई।
आजदेखि पश्चिमी नेपालबाट प्रबेश गरेको पश्चिमी न्यून चापीय प्रणालीको प्रभाव देशका बिभिन्न भागमा देखिएको मौसम पुर्वाअनुमान महाशाखाले जनाएको छ । न्युन चापीय प्रणालीको प्रभावका कारण सुदुरपश्चिम प्रदेश, कर्णाली प्रदेश, लुम्बिनी प्रदेश, गण्डकी प्रदेश र बागमती प्रदेशमा सामान्य देखि पूर्णतया बदली भई यी प्रदेशमा हल्का देखि मध्यम रुपमा बर्षा हुन सक्ने अनुमान पनि महाशाखाले जनाएको छ । केही स्थानहरूमा हल्का वर्षा तथा उच्च पहाडी र हिमाली भूभागहरूमा हल्का देखि मध्यम हिमपातको संभावना रहेको पनि महाशाखाले जनाएको छ ।
भोलि पहाडी तथा हिमाली भूभागहरूमा सामान्य देखि पूर्णतया बदली र तराइका भूभागहरुमा आंशिक देखि सामान्य बदली रही केही स्थानहरूमा हल्का वर्षा तथा उच्च पहाडी तथा हिमाली भूभागहरुमा हल्का हिमपातको सम्भावना रहेको छ ।मंगलबार र बुधवार यो प्रणालीदेशभर फैलिई सामान्य देखि पूर्णतया वदली रही धेरै स्थानहरूमा हल्का देखि मध्यम वर्षा र उच्च पहाडी तथा हिमाली भूभागहरुका हिमपातको संभावना रहेको छ। सो प्रणाली बिहीबार देखि भने क्रमिक रुपमा कमजोर बन्दै जाने संभावना रहेको छ।
