देशभर हालसम्म ४३ प्रतिशत नागरिकले लगाएखोप, खोप अभियान प्रभावकारी बनाउन सबैको सहकार्य आवश्यक भएकोमा जोड ।।
देशभर हालसम्म ४३ प्रतिशत नागरिकले खोप लगाएका छन् । बीचमा कोरोना खोपको अभियान केही सुस्ताएको जस्तो देखिए पनि छठपछि दैनिक लगभग २ लाख मानिसले कोरोना बिरुद्धको खोप लगाइरहेको स्वास्थ्य सेवा विभाग अन्तर्गतको खोप शाखा प्रमुख डा. सागर दाहालले बताउनुभयो ।आजसामुदायिक रेडियो प्रसारक संघ अकोराबले ललितपुरमा आयोजना गरेको कोरोनाविरुद्धको खोप र सञ्चारमाध्यमको भूमिका विषयक अन्र्तक्रियात्मक छलफलमा डा. दाहालले अझै पनि खोप लगाउन योग्य उमेर समूहका ४७ लाख नागरिकलाई खोप लगाउन बाँकी रहेको जानकारी दिनुभयो ।धेरैभन्दा धेरै नागरिकलाई खोप अभियानमा जोड्नको लागि प्रदेश र स्थानीय सरकारको भूमिका महत्वपूर्ण हुने भएकाले आफूहरूले जनप्रतिनिधिसँग चरणचरणमा छलफल गरिरहेको उहाँको भनाइ छ । छलफल कार्यक्रममा विश्व स्वास्थ्य सङ्गठन डब्लुएचओका नेशनल प्रोफेसनल अफिसर डा।राहुल प्रधानले खोपको आवश्यकता, अफ्ठेरो र सहजताको बारेमा सञ्चारमाध्यमले सूचना सञ्चार गराउनुपर्नेमा जोड दिनुभयो । फेरि पनि कोरोनाको नयाँ स्वरुप ‘ओमिक्रोन’ फैलन लागेको सन्दर्भमा खोप नै आजको मुख्य आशा भएको डा. राहुलको भनाइ थियो । कार्यक्रममा सञ्चारकर्मीहरूले खोप र भ्रमको बारेमा नयाँनयाँ सूचना प्रवाह गर्नुपर्ने आवश्यकता औँल्याउँदै त्यसको लागि सरकारले सहयोग गर्नुपर्ने धारणा राखेका थिए । पालिकास्तरमा खोप लगाउने विषय नागरिकको पाएकमा नपर्ने भएकाले यसलाई वडा वा टोल तहसम्म पु¥याउनु आवश्यक रहेको अरु पत्रकारहरूको सुझाव थियो । छलफलका क्रममा खोप शाखा प्रमुख डा. दाहालले आफूहरू चैत मसान्तसम्ममा सबैलाई खोप दिने गरी गरिरहेको बताउनुभएको थियो । परिवार कल्याण महाशाखाका प्रमुख डा. विवेक लाल कर्णले खोप अभियानलाई प्रभावकारी बनाउनको लागि ७ सय ५३ ओटै स्थानीय तहलाई आग्रह गरेको र उनीहरूसँग सम्मन्वय गरिरहेको जानकारी दिनुभयो । राष्ट्रिय शिक्षा सुचना तथा केन्द्रका निर्देशक सुनिलराज शर्माले अब खोप लगाउने विषयमा वृहत रुपमा र तल्लो तहसम्ममा पुगेर छलफल चलाउनु आवश्यक रहेको बताउनुभयो । कार्यक्रममा सामुदायिक रेडियो प्रसारक सङ्घ अकोराबका अध्यक्ष अर्जुन गिरीले कोरोनाविरुद्धको खोपको प्रभावकारीता बारे सामुदायिक रेडियोले निरन्तर सूचना प्रवाह गरिरहेको र आगामी दिनमा पनि सरकार अनि सरोकारवाला निकायसँगको सम्मन्वयमा सूचना प्रवाह गरिरहने प्रतिबद्धता व्यक्त गर्नुभयो । देशभर खोप अभियान जारी रहेको भए पनि प्रदेश २ मा सबैभन्दा कम नागरिकले कोरोनाविरुद्धको खोप लगाएका छन् । बागमती प्रदेशमा भने सबैभन्दा धेरै नागरिकले खोप लगाको स्वास्थ्य मन्त्रालयले जनाएको छ ।
