आउँदो मार्च महिनासम्म युरोपका देशमा कोरोनाबाट हुने मृत्युदर बढ्ने विश्वस्वास्थ्य संगठनको चेतावनी ।
विश्व स्वास्थ्य संगठनले आउँदो मार्च महिनासम्ममा कोरोनाका कारण युरोपमा हुने मृत्युदर बढ्ने चेतावनी दिएको छ । संगठनले आगामी मार्च महिनासम्ममा युरोपमा कोरोनाबाट थप ७ लाख मानिसको मृत्यु हुनसक्ने चेतावनी दिएको हो । पछिल्ला दिनहरूमा तीव्र सङ्क्रमण सामना गरिरहेका युरोपेली देशहरू र युरोपसँग जोडिएका एशियाली देशहरूमा पनि ठूलो सङ्ख्यामा मृत्यु हुनसक्ने चेतावनी संगठनले दिएको हो । आउँदो मार्च अर्थात् फागुन चैत तिर युरोपेली देशका अस्पतालहरूका सघन उपचार कक्षमा ठूलो चाप पर्ने पनिसंगठनको प्रक्षेपण रहेको छ । अहिले पनि बेलायत, रुस लगाएत देशहरुमा कोरोनाको सङ्क्रमण दर बढिरहेको छ । विश्वभर कोरोनाभाइरस विरुद्धको खोप लगाउने क्रम जारी रहेपनि युरोप, अमेरिका लगायतका मुलुकमा पछिल्लो समय कोरोना सङ्क्रमण तीव्र गतिमा बढ्न थालेको छ ।
