आज देशभर ५३३ जना सङ्क्रमित थपिए, ९ जनाको मृत्यु ।
पछिल्लो २४ घण्टामा थप ५ सय ३३ जनामा कोरोनाभाइरसको सङ्क्रमण पुष्टि भएको छ । ११ हजार ६ सय ६४ जनाको कोरोना परीक्षण गर्दा पीसीआर विधिबाट ४ सय ४१ तथा एन्टिजेन विधिबाट ९२ जनामा सङ्क्रमण पुष्टि भएको हो । पछिल्लो २४ घण्टामा थप ९ जनाले कोभिड–१९ को सङ्क्रमणबाट मृत्यु भएको छ । यो संगै नेपालमा कोरोनाका कारण मृत्यु हुनेको सङ्ख्या ११ हजार ४ सय १६ जना पुगेको छ । यही अवधिमा थप ४ सय ९० जना सङ्क्रमणमुक्त भएका छन् ।
हालसम्म कूल सङ्क्रमितमध्ये ७ लाख ९२ हजार २ सय ७७ जना सङ्क्रमणमुक्त भइसकेका छन् । नेपालमा सङ्क्रमितहरुको निको हुने दर ९७.४ प्रतिशत पुगेको छ । अहिले नेपालमा सक्रिय सङ्क्रमितको सङ्ख्या ९ हजार ३ सय १८ रहेको छ ।
