पछिल्लो २४ घण्टामा देशभर थप १ हजार ६६ जनामा कोरोना भाइरसको सङ्क्रमण पुष्टि, थप ९ सय ३८ जना संक्रमणमुक्त, १३ सङ्क्रमितको मृत्यु ।
नेपालमा थप एक हजार जनामा कोरोना भाइरसको सङ्क्रमण पुष्टि भएको छ । गत २४ घण्टामा १ हजार ६६ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।मन्त्रालयका अनुसार १० हजार १ सय १३ जनाको पीसीआर परीक्षण गर्दा ८ सय ९८जना र ३ हजार २ सय ५५ जनाको एन्टिजेन परीक्षण गर्दा १ सय ६८ गरी १ हजार ६६ जनाको कोरोना रिपोर्ट पोजेटिभ आएको हो ।यस्तै गत २४ घण्टामा ९ सय ३८ जना निको हुँदा १३ जना सङ्क्रमितको भने मृत्यु भएको छ ।
