बालकोट दुर्घटनामा चालकको मृत्यु
भक्तपुर, असोज ४ गते
बालकोट सवारी दुर्घटनामा ट्याक्टर चालकको मृत्यु भएको छ । सूर्यविनायक नगरपालिका वडा नम्वर २ स्थित बालकोटको महेन्द्र शान्ति स्कूलबाट चारदोबाटो तर्फ जाँदै गरेको बालुवा र सिमेन्टको भारी बोकेको ट्याक्टर उकालोमा अनियन्त्रित भई आईतबार भएको दुर्घटनामा चालक रोशन चौधरी घाइते भएका थिए । घाइते चोधरीको मध्यपुर थिमी अस्पालमा उपचारको क्रममा हिजै साँझ उनको मृत्यु भएको महानगरीय प्रहरी परिसर भक्तपुरले जनाएको छ । ट्याक्टरको क्षमता भन्दा बढी बालुवा र सिमेन्ट बोकेको, बाटो पनि खाल्डा खुल्डी भई बिग्रिएकाले उकालोमा अनियन्त्रित भइ भएको सो दुर्घटनाबाट चालक चौधरीको मृत्यु भएको अनुसन्धानमा खतिएका प्रहरीको भनाई छ ।
