देशभर ५ हजार ७ सय ६८ जना कोरोना सङ्क्रमणमुक्त,थप ४ हजार ३ सय ४४ नयाँ सङ्क्रमित, ८१ जनाको मृत्यु ।
नेपालमा कोरोना भाइरसका कारण सङ्क्रमित हुनेको संख्या ६ लाख १५ हजार नाघेको छ । स्वास्थ्य तथा जनसंख्या मन्त्रालयका अनुसार गत २४ घन्टामा देशभर ४ हजार ३ सय ४४ जना नयाँ सङ्क्रमित थपिएका छन् । मन्त्रालयका अनुसार गत २४ घन्टामा देशभर १२ हजार ७४ आरटी पिसिआर विधिबाट कोरोना परीक्षण गर्दा ३ हजार ४ सय ४९ र ४ हजार ५ सय ६८ एन्टीजेन परीक्षण गर्दा ८ सय ९५ जनामा कोरोना भाइरसको सङ्क्रमण पुष्टि भएको छ । योसँगै नेपालमा कोरोनाका कारण सङ्क्रमित हुनेको संख्या ६ लाख १५ हजार ६ सय ५२ पुगेको छ । यस्तै गत २४ घन्टामा देशभर ५ हजार ७ सय ६८ जना कोरोना सङ्क्रमणमुक्त भएका छन् योसँगै नेपालमा कोरोना सङ्क्रमणपछि निको हुनेको संख्या ५ लाख १० हजार २ सय ९८ पुगेको छ । यो दर कुल सङ्क्रमितको ८५ दशमलव २ प्रतिशत रहेको छ । यस्तै गत २४ घन्टामा थप ८१ जनाको कोरोनाका कारण मृत्यु भएको छ । योसँगै नेपालमा कोरोना सङ्क्रमणका कारण मृत्यु हुनेको संख्या ८ हजार १ सय ८१ पुगेको छ । हाल देशभर सक्रिय सङ्क्रमितको संख्या ८० हजार ३ सय ३६ रहेको छ । काठमाण्डौ उपत्यकामा मात्रै आज ९१५ जना थप संक्रमित भएका थिए । यसरी संक्रमित हुनेहरुमा काठमाण्डौ जिल्लाका ६७९ जना, भक्तपुर जिल्लाका ८५ जना, ललितपुर जिल्लाका १५१ जना गरी ९१५ जनामा संक्रमण पुष्टि भएका हुन ।
