पछिल्लो २४ घण्टामा १ हजार ७६० जनामा कोरोनाभाइरस सङ्क्रमण पुष्टि, १ हजार २२० सङ्क्रमणमुक्त, थप ७ संक्रमितको मृत्यु ।
बितेको २४ घण्टामा १ हजार ७६० जनामा कोरोनाभाइरस सङ्क्रमण पुष्टि भएको छ । देशभर १६ हजार ८४४ जनामा परीक्षण हुँदा काठमाडौं उपत्यकामामात्रै ४९५ जना सङ्क्रमित थपिएका छन् । जसमध्ये भक्तपुरमा ६३ जना ललितपुरमा ७२ जना र काठमाडौंमा ३६० जना संक्रमित थपिएका छन् ।
स्वास्थ्य तथा जनसङ्ख्या मन्त्रालयका अनुसार २४ घण्टामा १ हजार २२० जना सङ्क्रमणमुक्त भएका छन् । आज देशभर कोरोना सङ्क्रमणबाट ७ जनाको मृत्यु भएको छ । हालसम्म दश हजार ९९१ जना सङ्क्रमितले ज्यान गुमाएका छन् ।
