आज थपिएका २,९४२ जना संक्रमित मध्ये भक्तपुरका ९९ सहित उपत्यकामा १,६९८ संक्रमित
काठमाण्डौ, कार्तिक २ गते
देशभर आज २ हजार ९४२ जना कोरोना संक्रमित थपिन्दा भक्तपुरका ९९ जना कोरोना पोजेतिभ हुनेहरुको पहिचान गरेको छ भने आज पोजेटिभ हुनेहरुमा काठमाण्डौ उपत्यकाका मात्रै १ हजार ६ ९८ जना रहेको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा. जागेश्वर गौतमका अनुसार आज संक्रमित भएको २,९४२ सहित कुल संक्रमितको संख्या १ लाख ३२ हजार २४६ जना पुगेको छ । पछिल्लो २४ घण्टामा १४ हजार ८७५ वटा स्वाबको आरटी पीसिआर परीक्षण गर्दा २ हजार ९४२ जना संक्रमित थपिएका हुन भने आज एक्कै दिन कोरोना जित्नेहरुको संख्या २,३२६ जना रहेको छ । अहिलेसम्म कोरोना निको हुनेको संख्या ९२ हजार १ सय ६६ पुगेको छ । अहिले सक्रिय कोरोना संक्रमितको संख्या ३९ हजार ३४१ जना रहेका छन् । पछिल्लो २४ घण्टामा १२ जनाको मृत्यु भएसँगै मृत्यु हुनेको संख्या ७ सय ३९ पुगेको प्रवक्ता डा. गौतमले जनाएको छ ।
काठमाण्डौ उपत्यकामा आज थपिएका १ हजार ६ सय ९८ जना संक्रमितहरु मध्ये काठमाण्डौ जिल्लाका मात्रै १ हजार ४६९ जना छन् भने ललितपुरका १३० र भक्तपुरका ९९ जना संक्रमित थपिएका हुन । स्वास्थ्य मन्त्रालय अन्तर्गत देशका विभिन्न प्रयोगशालाहरुबाट अहिलेसम्म १२ लाख ८३ हजार ३५४ जनाको पीसीआर परीक्षण गरी सकेको मन्त्रालयले जनाएको छ । यसबाट १ लाख ३२ हजार २४६ जना संक्रमित पुष्टि भएका हुन । अहिले देशभर ४ हजार ८ सय ३१ जना क्वारेन्टिनहरुमा रहेको स्वास्थ्य मान्त्रालयले जनाउको छ ।
