भक्तपुरमा थपियो ८१ जना कोरोना संक्रमति
भक्तपुर, भाद्र २८ गते
भक्तपुरका ८१ जना थप कोरोना संक्रमित भएका छन् । आइतबार काठमाण्डौ उपत्यकामा ५९७ जनामा कोभिड १९ संक्रमित भएको पुष्टि भएको जनाउँदै स्वास्थ्य तथा जनसंख्या मन्त्रालयले त्यस मध्ये भक्तपुरका ८१ जनामा कोरोना पोजेटि पुष्टि भएको जनाएको हो । मन्त्रालयका अनुसार काठमाण्डौका ४८३ भक्तपुरका ८१ जना र ललितपुरका ३३ जना गरी आइतबार एक्कै दिन ५९७ जना कोरोना संक्रमित भएको जनाएको हो । मन्त्रालयका प्रवक्ता डा. जागेश्वर गौतमका अनुसार भक्तपुरका २२ जना महिला र ५९ जना पुरुष सहित ८१ जना संक्रमित भएका हुन । भक्तपुरमा कोरोना संक्रमण घट्यो भनि चर्चा भइरहेको बेला एक्कासी एक्कै दिन ८१ जनामा कोरोना संक्रमण पुष्टि भएको हो ।
उपत्यकाका ५९७ जना सहित देशभर भने आईतबार १ हजार ३९ जना कोरोना संक्रमित भएको पनि डा.गौतमले जनाएको छ । योसँगै कुल संक्रमतिको संख्या ५४ हजार १५९ जना पुगेको छ । पछिल्लो २४ घण्टामा १ हजार १७३ जना संक्रमित कोरोना मुक्त भएको भन्दै संक्रमण मुक्त हुने कुल संख्या ३८ हजार ६९७ पुगेको बताएको छ । अहिले सक्रिय कोरोना संक्रमित १५ हजार ११७ रहेका छन् । पछिल्लो २४ घण्टामा ९ जना संक्रमितको मृत्यु भएसँगै अहिलेसम्म कोरोना संक्रमित भई मुत्यु हुनेको संख्या ३४५ पुगेको छ । संस्थागत आइसोलेसनमा ७ हजार ७३१ र होम आइसोलेसनमा ७ हजार २८७ छन् भने क्वारेन्टिनमा ६ हजार ५३६ जना रहेका छन् ।
