भक्तपुर नगरव्यापी कसिमला पाँय् प्रतियोगिता सम्पन तथा पुरस्कार वितरण
भक्तपुर, २७ पुस । गुरु गणेश बचत तथा ऋण सहकारी संस्था लि.को आयोजनामा खुल्ला भक्तपुर नगरव्यापी कसिमला पाँय् प्रतियोगिताको समापन तथा पुरस्कार वितरण कार्यक्रम भनपा वडा नं ९ का वडाध्यक्ष रबिन्द्र ज्याख्वको प्रमुख आतिथ्यतामा सूर्यमढी वाकुपति नारायण स्थानमा बुधबार सम्पन्न भयो ।
प्रमुख अतिथि रबिन्द्र ज्याख्वले लोप हुन लागेको परम्परागत कसिमला पाँय् हाम्रो पहिचान सहितको खेल भएकोले त्यसलाई बचाउन ९२ वटा विद्यालयका शिक्षकहरुलाई प्रशिक्षण र नियम बनाई पाठ्यक्रममा राखेर नगरपालिकाले प्रत्येक बर्ष प्रतियोगिताहरु गर्दै जान्दा नयाँ पुस्तामा हस्तातरण भएको बताउनुभयो । उहाँले नयाँ पुस्ता भर्चुयल संसारमा रमाउँदा मानसिक रोग र आत्महत्याहरु बढी रहेकोले अशिक्षा र असक्षम बनाई रहेको तर्फ जोड दिँदै नयाँ पुस्तालाई समाजसंग धुलमिल गराउन वा बाहिर निकाल्न यो खेलले टेवा पु¥याउने बताउँदै पपजी खेलबाट काठमाण्डौंका मेयर विदेश जानु बैंक खाता हाय्क गरी पैसा चोर्नेहरुलाई प्रोत्साहन हुने भएकोले आपति जनाउँदै गलत कार्यलाई उत्साहित गर्न नहुने भन्नुभयो । उहाँले अभिभावकहरुले सन्तानलाई राम्रो खेलमा दो¥हाए राम्रो हुने र नराम्रो खेलमा नराम्रो हुने बताउनुभयो । उहाँले पैसाको लागि जे पनि गर्ने पुँजिवादी सोच भएको बताउँदै नैतिक शिक्षाको अभावमा नयाँ पुस्ताको चरित विकृति र विसंगति तर्फ गईरहेको बताउनुभयो । उहाँले जनताको सहकारी समुदायमा आधारित हुने त्यस्तो बाहेक नाफाको निम्ति संचालित सहकारीमा रकम जम्मा नगर्न अनुरोध गर्नुभयो ।
कार्यक्रममा संस्थाका सल्लाहकार रामकृष्ण प्रजापतिले खेलकुद स्वास्थ्यको लागि भएको बताउँदै अहिलेको समयमा खानपान, रहनसहन र शारीरिक कसरतको कमिले नयाँ नयाँ रोग तथा दृघ रोगहरु देखा परेकोले शारीरिक मानसिक स्फूर्ति र स्वस्थ्थताको लागि खेलकुद भएकोले खेलकुदलाई जीवनको अभिन्न अंग बनाउनुपर्ने बताउनुभयो । उहाँले कसिमला पाँय् खेल परम्परागत खेल भएकोले भक्तपुर नगरपालिकाको पर्यटकीय गन्तव्य बनाउने सोचलाई टेवा पु¥याउन सक्ने बताउनुभयो । उहाँले सहकारीहरुमा संकत देखिएको अवस्थामा समुदायमा आधारित भई सहकारीको मुल्य मान्यता र सिद्धान्त अनुसार सामाजिक कार्य अन्तर्गत कसिमला पाँय् खेलको प्रतियोगिता गर्नुभएकोमा आयोजकलाई धन्यवाद दिनुभयो । उहाँले शोसन रहित समाज बनाउन सहकारीको पार्दुभाव भएको बताउँदै आर्दश समाज बनाउने उद्देश्य सहितको सहकारीले समाजलाई अन्यायअत्याचार, भष्ट्राचार मुक्त समाज र शान्त, समृद्धि, समाज बनाउन पहल गर्नुपर्ने बताउनभयो । कार्यक्रम युवा तथा खेलकुद समितिका संयोजक सिद्धान्त प्रजापतिको सभापतित्वमा सम्पन्न कार्यक्रममा अध्यक्ष कृष्णराम कासिछ्वा, उपाध्यक्ष श्रीप्रसाद प्रजापति, सचिव सत्यराम ज्ञामरु र रेफ्रि राजेन्द्र प्रजापतिले पनि बोल्नु भएको थियोे ।
कार्यक्रममा प्रमुख अतिथि रबिन्द्र ज्याख्वले प्रथम हुने लक्ष्मी भक्त कोजूलाई मेडल, प्रमाण पत्र र नगद पुरस्कार रु.२५००।– द्धितीय हुने राजाराम प्रजापतिलाई मेडल, प्रमाण पत्र र नगद पुरस्कार रु.१५००।– र तृतीय हुने कृष्ण गोपाल प्रजापतिलाई मेडल, प्रमाण पत्र र नगद पुरस्कार रु.१०००।– हस्तातरण गरी सम्मान गर्नुभयो ।
