भक्तपुर, चैत्र १६गते
भक्तपुर । कोरोना भाइरस (कोभिड १९) संक्रमणबाट बचाउन नेपाली सेना भैरब बाहण गुल्म गठाघर भक्तपुरले कोरोनाविरुद्ध किटनाषक औषधि (डिस्इनफाक्टान्ट) छर्न सुरु गरेको छ । मध्यपुर थिमि नगरपालिकासँंगको समन्वयमा नगरपालिका क्षेत्रभरि औषधि छर्ने काम सुरु गरिएको जनाइएको छ ।
नेपाली सेना भैरब बाहण गुल्म गठाघर भक्तपुरका गुल्मपति सेनानी प्रविण खड्काले दैनिक दुई वटा सवारीसाधनको सहायताबाट औषधि छर्न सुरु गरेको जानकारी गराए । त्यसका लागि एउटामा चारचार जना सैनिक खटाइएको जानकारी उनले गराए । मध्यपुर थिमिका वडा नं १ देखि ९ सम्मकै क्षेत्रमा औषधि छर्ने जानकारी उनले गराए ।
उनका अनुसार अहिलेसम्म मध्यपुर थिमि नगरपालिका वडा नं ४, ३, ६,७,८ र ९ मा छरिसकिएको छ । सोमबार वडा नं १ र २ मा छर्ने योजना रहेको उनले सुनाए । दैनिक १० घण्टा यो काममा लगाइएको जानकारी उनले गराए ।
तस्वीरहरु छन् ।
