भक्तपुरको उपनिर्वाचनमा ७१.१६९६ प्रतिशत मतदान

भक्तपुर, मंसिर १४ गते । भक्तपुर निर्वाचन क्षेत्र नम्वर १ क का लागि शनिवार भएको मतदानमा ७१.१६९६ प्रतिशत मतदान भएको छ । ४५०१५ मतदाता रहेको यस क्षेत्रमा ३२०३७ मतदान भएको हो । विहान ७ बजे देखि साँझ ५ बजेसम्म सो क्षेत्रका २२ स्थलहरुका ५४ मतदान केन्द्रहरु मध्ये यापी भैरव माध्यमित विद्यालय क मा ७९.१०७१ प्रतिशतले सबैभन्दा बढी मतदान भएको थियो भने भक्तपुर नगरको वडा नम्वर १० अन्तर्गत भएको मतदानमा सबै भन्दा कम ५७.९७१ प्रतिशत मात्र मतदान भएको छ । आज भएको मतदानमा पुरुष १५६६५ र महिला १६३७२ जनाले मतदान गरेको जिल्ला निर्वाचन कार्यालय भक्तपुरले जनाएको छ ।