भक्तपुरका ६७ जना सहित देशभर २,१२० थप संक्रमित २,०४४ जना कोरोना मुक्त
काठमाण्डौ, असोज १७ गते
भक्तपुरका६७ जना सहित काठमाण्डौ उपत्यकामा शनिबार १ हजार १७७ जना थप कोरोना संक्रमण पुष्टि भएका छन् भने पछिल्लो २४ घण्टामा देशभर २ हजार १२० कोरोना संक्रमित थपिएको स्वास्थ्य तथा जनसञ्चार मन्त्राालयका प्रवक्ता डा.जागेश्वर गौतमले जनाएको छ । पछिल्लो २४ घण्टामा गरिएको १२ हजार १७८ जनाको पीसीआर परिक्षणमा २ हजार १२० जनामा कोरोना पोजेटिभ देखिएको हो । योसँगै कुल संक्रमितको संख्या ८४ हजार ५७० पुगेको छ । पछिल्लो २४ घण्टामा २ हजार ४४ जना कोरोना संक्रमणबाट मुक्त भएको उल्लेख गर्दै प्रवक्ता डा. गौतमले कोरोना संक्रमणबाट निको हुनेको संख्या ६२ हजार ७४० पुगेको छ ।
अहिले २१ हजार ३०२ जना सक्रिय कोरोना संक्रमित रहेको प्रवक्ता डा. गौतमले जनाएको छ । संक्रमितहरु मध्ये पछिल्लो २४ घण्टामा थप ८ जनाको मृत्यु भएपछि कोरोना संक्रमणबाट मृत्यु हुनेको संख्या ५२८ पुगेको छ ।
काठमाण्डौ उपत्यकामा आज भक्तपुरका ६७ जना सहित १ हजार १७७ जना संक्रमित थपिएका छन् । काठमाण्डौ जिल्लामा मात्रै १ हजार १ जना संक्रमित थपिएका छन् भने ललितपुरमा १०९ जना र भक्तपुरका ६७ जना कोरोना संक्रमित भएको स्वास्थ्य मन्त्रालयले जनाएको छ।
