फैसला कार्यान्वयन तर्फका ७ फरार पक्राउ, १३ लाख भन्दा बढी जरिवाना
भक्तपुर, भाद्र २४ गते
भक्तपुर प्रहरीले फैसला कार्यान्वयन तर्फका ७ जना फरार व्यक्तिहरुलाई पक्राउ गरी १३ लाख ३२ हजार ६२२ रुपियाँ जरिवाना गरेको छ । भक्तपुर प्रहरीका सूचना अधिकारी दिपककुमार कार्कीका अनुसार सवारी ज्यानका २, बैंकिङ कसुरका २, चेक अनादरका १, नकवजनी चोरी १ र अंशबण्डा १ गरी ७ वटा मुद्दाको फैसला कार्यान्वयनमा सो बराबरको रकम जरिवाना गरेको जनाएको छ । जिल्ला अदालत भक्तपुरमा सोको मुद्दा फैसला कार्यान्वयनका लागि ७ जनालाई प्रहरीले बुझाएको उहाँले जनाएको छ। सो मुद्दमा २ वर्ष ७ दिनको कैद सजाय पनि जनाएको छ ।
