बाढी प्रभावितलाई टिआई नेपालद्वारा निरंतर सहयोगको आह्वान
भक्तपुर, भाद्र १४ गते
भाद्र १० गतेका दिन भोटेकोशीको नदि र त्रिशुली नदि क्षेत्रमा आएको विनाशकारी बाढी– पहिरोबाट भएको भारी जनधनको क्षतिप्रति ट्रान्सपरेन्सी इन्टरनेशनल नेपाल(टिआई नेपाल)ले गहिरो दुःख व्यक्त गरेको छ। टिआई नेपालका अध्यक्ष मदनकृष्ण शर्माद्वारा आज एक विज्ञप्ति जारी गरी यस विपदमा परी ज्यान गुमाउनुहुने आम नेपाली तथा विदेशी नागरिकप्रति हार्दिक श्रद्धाञ्जली अर्पण गर्दै शोकसन्तप्त परिवारजनमा समवेदना दिदै घाइतेहरुको शीघ्र स्वास्थ्यलाभको कामना गरेको छ । सो विपदबाट सिर्जित क्षतिको गम्भरीरतालाई ध्यानमा राखी खोजी, उद्धार तथा राहत कार्यलाई थप तीव्र र समन्वयात्मक बनाउन नेपाल सरकारसँग आग्रह गरेको छं ।
साथै, अध्यक्ष शर्माले प्रभावित नागरिकहरुको दीर्घकालीन पुनस्र्थापना, जीविकोपार्जन र पुनर्निर्माणका लागि नेपाल सरकारका साथै आम नागरिक, निजी क्षेत्र, नागरिक समाज र अन्तराष्ट्रिय साझेदारहरुबाट निरन्तर सहयोग अपेक्षा गर्दै यस कठिन घडीमा सम्पूर्ण राहत तथा पुनर्निर्माणका कार्यहरु मानवीय संवेदना, सुशासन, पारदर्शिता र जवाफदेहिताका साथ अगाडि बढाउन ट्रान्सपरेन्सी इन्टरनेशनल नेपालको तर्फबाट सम्बन्धित सबै पक्षसँग आव्हान गरेको छ ।
