बच्चाहरुको कानमा लगाएको सुनका मुद्रा चोरी गर्ने मानिस प्रहरीको नियन्त्रणमा
भक्तपुर, बैशाख २८ गते
प्रहरी बृत्त जगातीले बच्चाहरुको कानमा लगाएको सुनको मुद्रा चोरी गर्ने मानिसलाई नियन्त्रणमा लिई थप अनुसान्धान गर्दा रु. १५ लाख बराबरको सुन बरामद गरिएको छ । आइतबार साँझ भक्तपुर नगरपालिका वडा नं.८ स्थित लिवालीबाट बच्चा बच्चीहरुलाई भेला जम्मा पारी चक्लेट तथा खाने कुराहरु दिई, ललाई फकाई बच्चाहरुलाई एक ठाउँबाट अर्को ठाउँसम्म घुम्न लगी कानमा लगाएको सुनको मुद्रा चोरी गर्ने सुनिल नगरकोटीलाई प्रहरी बृत्त जगातीबाट खटिएको प्रहरीको टोलीले नियन्त्रणमा लिइएको हो ।
भक्तपुर प्रहरीका सूचना अधिकारी एवं प्रहरी नायव उपरिक्षक प्रकाश जबेगुका अनुसार बच्चाहरुको कानकाट सुन चोरी गरेको अरोपमा काभ्रेपलान्चोक बेथानचोक गाउँपालिका वडा नं. ३ ढुंखर्क बस्ने वर्ष २४का लक्ष्मण भन्निने सुनिल नगरकोटीलाई प्रहरीले नियन्त्रणमा लिाएको हो । निज नगरकोटीले बच्चाहरुको कानबाट झिकेको सुनको मुद्रा काभ्रेकै बनेपामा बस्ने वर्ष ३०को सभंकर माजीलाई बेच्ने गरेको खुन्न आएपछि प्रहरीले माजीलाई समेत नियन्त्रण्मा लिई थप चेकजाँच गर्दा रु. १५ लाख बरावरको सुन समेत बरामद भएको जनाएको छ ।
