भक्तपुर, चैत्र २६ गते
कल डाउनको समयमा पनि भक्तपुरका बजारहरुको नियमन र अनुगमणलाई निरन्तरता दिएको छ । भक्तपुरका नगरपालिकाका जनप्रतिनिधी, कर्मचारी र जिल्ला प्रशासन कार्यालय सहित सरोकारवाला निकायहरु बजार ब्यवस्थापनको सहजिकरणका लागि लागि परेका हुन ।
कोरना भाइरस रोकथाम, नियन्त्रण, उपचार र राहत वितरण प्रभावकारी बनाउन एकद्वारा प्रणालीलाई आत्म साथ गर्न विपद् व्यवस्थापन केन्द्र भक्तपुरले सरोकारवाला निकायहरुलाई आह्वान पनि गरेको छ । विपद्मा मानविय सहयोग गर्ने संघ संस्थाहरुलाई आफ्ना सहयोगहरुलाई सम्बन्धित नगरपालिकामा बुझाएर एकद्वार प्रणालीबाट वितरणमा सहयोग गर्न आग्रह गरेको हो । जिल्ला विपद व्यवस्थापन केन्द्र भक्तपुरका अध्यक्ष हुमकला पाण्डेले मंगलबार भक्तपुर नगरपालिकाका मेयर सुनिल प्रजापति सहित जनप्रतिनिधीहरुसँग छलफल गर्दै लक डाउनको बेला अति आवश्यक वस्तु र सेवालाई सहज र सरल बनाउन, कृत्रिम अभाव सृजना गरी कालोबजारी गर्न सक्ने सम्भावनालाई ध्यानमा राखी नियमित रुपमा बजार अनुगमन गर्ने र कृत्रिम अभाव तथा बढी मूल्य लिने प्रवृत्तिलाई निरुत्साहित गर्ने र यसको लागि सम्बन्धित भक्तपुर उद्योग वाणिज्य संघ, घरेलु तथा साना उद्योग संघ लगायतसँग समन्वय गर्ने निर्णय गरेको छ । स्वास्थ्य क्षेत्रमा काम गर्ने स्वास्थ्यकर्मी डाक्टर, नर्स र कर्मचारीहरुको लागि आवश्यक पिपिई, पन्जा, मास्क लगायत अन्य सामाग्रीहरु उपलब्ध गराउन सम्बन्धित क्षेत्रमा पहल गर्ने र कोरोना भाइरस रोग लागेमा उपचारको लागि चाहिने आवश्यक सामाग्री तथा उपकरणहरुको व्यवस्था समितिले गर्ने भएको छ । नगरपालिका भित्र विदेशबाट आएका व्यक्तिहरुको विवरण अद्यावधिक गरी ट्रेसिङ्ग र ट्रयाकिङ्ग कार्य सुरक्षा निकाय र वडा कार्यालयहरुले समन्वयात्मक रुपमा मिलाउने भएको छ ।
सो केन्द्रले जिल्लामा विदेशबाट आएका १३४ जनाको पहिचान गरी सेल्फ क्वारेन्टाइनमा रहेको जनाएको छ ।
सो सेन्टरको स्थापनासँगै भक्तपुर जिल्लामा ३ वटा क्वारेन्टाइनस्थलमा २९४ बेड, विभिन्न अस्पतालहरुमा १७ वटा भेन्टिलेटर ८७ वटा आइसोलेसन बेड तयार रहेको र ४ वटा डेडिकेटेट एम्बुलेन्सलाई तयारी अवस्थामा राख्नुका साथै जिल्लामा सञ्चालित २२ वटा एम्बुलेन्सको स्वरुप परिवर्तन गरी सुरक्षित र तयारी अवस्थामा राखिएको छ । जुन विश्वव्यापीरुपमा फैलिएको कोरना भाइरसको महामारीको जोखिम अनुसार निकै कम मात्र तयारी भएको टिप्पणी भएका छन् ।
