पण्डु बजार र झौखेल युनाइटेड सेमिफाइनलमा प्रवेश
भक्तपुर, फाल्गुण २२ गते
तेस्रो भक्तपुर कपको पाँचौ दिन आज भएको क्वाटर फाइनलबाट पाण्डुबजार र झौखेल युनाटेड सेमिफाइनलमा प्रवेश गरेको छ । आज भएको ९ औं र १०औ खेलहरुमा आयोजक भक्तपुर युवा टिमलाई ४ ।० गोल अन्तरले हराउँदै पाण्डुबजार सेमिफाइनलमा प्रवेश गरेका हुन भने झौखेल युनाइटेड र द राइजिन युवा टिम बीच भएको अर्काे खेलमा एक गोल अन्तरले द राइजिन युवा टिमले हार बेहोरियो भने झौखेल युनाइटेड सेमिफाइनलमा प्रवेश गर्न सफल भएको थियो ।
आज भएका खेलहरुमा शिवनारायण कोजू, सुरेन्द्र झांगजु यसै गरी दिपक लाखेमरु र इन्द्रबहादुर लइवाजु उत्कृष्ठ दर्शकको रुपमा पुरस्कृत भएका थिए भने म्यान अफ द म्याचमा पाण्डु बजारका युवराज ढकाल र उदयीमान खेलाडीको रुपमा उत्तम शाही चुनिएका थिए । अर्को खेलमा झौखेल युनाइर्टडका जनक कोइराला उत्कृष्ठ खेलाडी भएका थए भने स्टेफेन उद्यीमान खेलाडी घोषित भई पुरस्कृत भएका थिए ।
तेस्रो भक्तपुर कपको छैठौ दिनको क्वाटर फाइनलमा बुधबार स्पोर्टस एकेडेमी र बागेश्वरी मझुवा समाज तथा बदला एफसी र वी आर ब्रदर्स बीच प्रतिस्पर्धा हुने छ । भक्तपुर युवा टिमद्वारा आयोजित सो खेल महेश्वरी खेलमैदानमा आयोजना भइरहेको छ ।
