मनहरा खोलामा लास भेटियो ।
मध्यपुर थिमी, माघ ४ गने
जिल्ला प्रहरी परिसर भक्तपुरले मध्यपुर थिमीस्थित वि.पी. आँखा अस्पताल नजिकै मनहरा खोलामा एक पुरुषको सव फेला पारेको छ । प्रहरी वृत्त ठिमी भक्तपुरको अनुसन्धान अधिकृत सहितको प्रहरी टोलीले सो सव सुनसरी भोक्राहा नरसिंह गाउँपालिका वडा नं. ४ घर भई हाल भक्तपुर जिल्लाको मध्यपुर थिमी नगरपालिका वडा नं. २ सानोठिमी डेरा गरी बस्ने वर्ष ४५का लेल्का उराउ रहेको जनाएको छ । मृतक उराउका १८ वर्षका छोरा समिर उराउले सनाखत गरेको भन्दै प्रहरीले सो लाश पोष्मार्टमकालागि काठमाण्डौ मेडिकल कलेज दुवाकोट भक्तपुर पठाएको भक्तपुर प्रहरीका सूचना अधिकारी ढुण्डीराज नेउपानेले जनाएको छ । सूचना अधिकारी नेउपानेका अनुसार प्रहरी वृत्त ठिमीलाई मनहरा खोलामा पुरुष व्यक्ति मृत्त अवस्थामा रहेको छ भनि खबर प्राप्त हुना साथ प्रहरी अनुसन्धान अधिकृत सहितको टोली परिचालन गरेको थियो ।
