स्वाधिन अर्थतन्त्रकालागि भक्तपुरका पत्रकारहरुले मनाए धान दिवस
भक्तपुर, असार १५ गते
राष्ट्रिय धान दिवसको अवसरमा धान उत्पादन, प्रर्वधनका सवालहरुमा छलफल गर्दै भक्तपुरका पत्रकारहरुले दही चिउरा कार्यक्रम आयोजना गरेको छ । स्वतन्त्र पत्रकार संघ भक्तपुर शाखाका पदाधिकारी, सदस्यहरु र शुभचिन्तकहरु बीच दही च्युरा कार्यक्रम गरी धान दिवस मनाएका हुन । सहभागि पत्रकारहरले धान दिवसको अवसरमा जसरी रोपाईको बेलामै धान दिवस मनाएर धान उत्पादन प्रवर्धन गर्न दिवस मनाइन्छ यसै गरी पत्रकारीतालाई व्यवस्थित गर्न योजना र विधीसँगत रुपले पत्रकारिता गर्नुपर्नेमा जोड दिएको थियोे । हामीले खाने भातकालागि विदेशबाट अर्बौ रुपियाँको धान आयात गर्नु परेको बेला स्वाधिन अर्थतन्त्र निर्माणका लागि कृषि उत्पादन तर्फपनि पत्रकारिता गर्नुपर्नेमा आआफ्ना धारणा राखेका थिए ।
भक्तपुर शाखाका अध्यक्ष सुरेश संैजूको सभाध्यक्षतामा भएको सो कार्यक्रममा केन्द्रीय महासचिव महेशजंग कँुवर, सहमहासचिव रत्न प्रजापति, केन्द्रीय पार्षद प्रताप राणा, कृष्ण किसी सहित आतिथ्यतामा कार्यक्रम आयोजना भएको थियो । सहभागि पत्रकारहरुले नयाँ पुस्तालाई पत्रकारिता पेसामा आकर्षित गर्न विभिन्न तालिम दिनुपर्ने तथा क्रियाशिल पत्रकारहरुलाई क्षमतावृद्धिका तालिमहरु आयोजना गर्ने विषयमा जोड दिएको थियो । सो कार्यक्रम रेडियो जनसञ्चार, जनसञ्चार टेलिभिजन,एविसिडि खवर डटकम, भक्तपुर न्यूज अपडेट डटकमको समन्वयमा रेडियो जनसञ्चारको कार्यालयमा आयोजना गरिएको थियो । कार्यक्रम सञ्चालन संघका सचिव प्रेम प्रजापतिले गरेका थिए ।
