७ हजार ७ सय ७७ जना कोरोना सङ्क्रमणमुक्त ।
आज देशभरबाट ७ हजार ७ सय ७७ जना कोरोना सङ्क्रमणमुक्त भएका छन् । स्वास्थ्य तथा जनसङ्ख्या मन्त्रालयले आज दिएको जानकारी अनुसार २४ घण्टामा १६ हजार ३५६ जनाको नमुना परीक्षण गर्दा २ हजार ४०१ जनामा कोरोना भाइरससङ्क्रमण देखिएको छ । यस्तै २४ घण्टामा कोरोनाबाट १४ जनाको मृत्यु भएको छ । हाल देशभर कोरोनाको सक्रिय सङ्क्रमित ३० हजार २४१ जना रहेका छन् । मन्त्रालयले कोरोना सङ्क्रमणदर कम हुँदै गएपनि जोखिम कायमै रहको भन्दै स्वास्थ्य मापदण्डको पालना गर्न सबैसँग आग्रह गरेको छ ।
