विवाहमा संगित बजाउन रोक लगाउन माग गर्दै तालिवानले गरेको आक्रमणमा २ जनाको मृत्यु ।
आफूलाई तालिबान भनेर चिनाउने बन्दुकधारीहरूले पूर्वी अफगानिस्तानमा संगीत बजाउन रोक्न मा गर्दै एउटा विवाहमा गरेको आक्रमणमा २ जनाको मृत्यु भएको छ । आक्रमणमा परि अन्य १० जना घाइते भएका छन् । तालिबानका प्रवक्ताले तीन बन्दुकधारीमध्ये दुई जनालाई पक्राउ गरिएको जानकारी दिएका छन् । तर उनीहरूले इस्लामवादी आन्दोलनको तर्फबाट काम गरेको बारेमा भने अस्वीकार गरेको बताईएको छ । सन् १९९६ देखि २००१ सम्म तालिबानले देशमा शासन गर्दा विवाहमा हुने संगीतमा प्रतिबन्ध लगाइएको थियो । तर हाल आएका नयाँ अधिकारीहरुले त्यस्तो आदेश जारी गरेका छैनन् ।
