नागरिकता विधेयक संसदमा पेश गर्न सरकारलाई संसदीय समितिको आग्रह ।
कानुन न्याय तथा मानवअधिकार समितिले लामो समयदेखि छलफलको क्रममा रहेको नागरिकता विधेयक संसदमा पेश गर्न सरकारलाई आग्रह गरेको छ । आज बसेको समितिको बैठकले नागरिकतासम्बन्धी विधेयक संसद्मा पेश गर्न सरकारलाई आग्रह गरेको हो ।बैठकमा समिति सभापति कृष्णभक्त पोखरेलले कानुन, न्याय तथा संसदीय मामिलामन्त्री दिलेन्द्रप्रसाद बडुलाई नागरिकतासम्बन्धी विधेयक संसद बैठकमा पेश गर्न आग्रह गर्नुभयो ।नागरिकतासम्बन्धी विधेययकमाथि छलफल गरी संसद्को राज्य व्यवस्था तथा सुशासन समितिले सुझावसहित संसदमा बुझाइसकेको छ । तर, उक्त विधेयक संसद बैठकमा पेश हुन सकेको छैन ।नागरिकता विधेयक पारित नहुँदा जन्मसिद्ध नेपाली नागरिकको सन्तानले नागरिकता पाउन सकेका छैनन् ।
