भक्तपुर प्रहरीद्वारा आगजनी तथा तोडफोडमा संलग्न ४जना र थप ५ जना कैदी बन्दीहरु पनि पक्राउ
भक्तपुर, कार्तिक २१ गते
जिल्ला प्रहरी परिसर भक्तपुरले आगजनी तथा तोडफोडमा संलग्न मानिसहरु पक्राउ गरेका छन् । जेन्जी आन्दोलनका क्रममा मध्यपुर थिमी नगरपालिका वडा नं. ५ स्थित राधेराधेमा रहेको प्रहरी प्रभाग, सानोठिमी तोडफोड तथा आगजनी गरेको घटनामा संलग्न ४ जनालाई प्रहरीले नियन्त्रणमा लिएको जनाएको छ । यसरी प्रहरीको नियन्त्रणमा आएकाहरु चाँगुनारायण नगरपालिका वडा नं. २ दुवाकोट बस्ने वर्ष ३३का किरण दुवाल, सानोठिमी बस्ने वर्ष २३ का सागर मगर, रामेछाप घर भई हाल सानोठिमी मगरगाँउ बस्ने १९ वर्षका हिमाल श्रेष्ठ र सानोठिमी बस्ने वर्ष २४का संजित कुमार ठाकुर रहेको भक्तपुर प्रहरीका सूचना अधिकारी प्रकाश जवेजुले जनाएको छ । सूचना अधिकारी जवेजुका अनुसार ति व्यक्तिहरुलाई प्रहरी वृत्त ठिमी भक्तपुरबाट खटिएको प्रहरी टोलीले नियन्त्रण्मा लिई थप अनुसन्धान कार्य भइरहेको जनाएको छ भने जेन्जी आन्दोलनका क्रममा विभिन्न कारागारबाट फरार भएका थप ५ जना कैदी बन्दीहरुलाई पक्राउ गरी सम्बन्धित कारागारमा पठाइएको पनि उहाँले आज जारी गरेको विज्ञप्ति मार्फत जनाएको छ ।
