भक्तपुर । आज शुक्रबारदेखि भक्तपुरको महेश्वरी खेल मैदानमा दोश्रो भक्तपुर दशै सस्तो व्यापार मेला–२०८२ सुरु भएको छ । मेला महोत्सव प्रतिष्ठान नेपालले नेपालीहरुको महान पर्व वडा दशैं तथा नगरकोट भ्रमण वर्ष २०८२ को पावन अवसरमा मेला थालेको हो ।
मेलाको उदघाटन नेपाल मजदुर किसान पार्टीका केन्द्रिय सदस्य एवं भक्तपुर नगरपालिका वडा नं ७ का वडा अध्यक्ष उकेश कवांले एक समारोहवीच गरे । भक्तपुर दशैं सस्तो व्यापार मेला–२०८२ असोज ३ गते देखि असोज १९ गते सम्म भक्तपुर नगरपालिका वडा नं. ७ मा रहेको महेश्वरी फुटबल मैदान हनुमानघाटमा सुरु भएको हो ।
मेला संयोजक संगम लामाले व्यापर मेलामा ५० भत्ता बढी स्टलहरु राखिने छन् । स्टलको साइजअनुसार न्युन शुल्क लिष्ट स्थानिय व्यापारीहरुलाई स्टल उपलब्ध गराउने छ ।
मेलामा मानवीय दैनिक जीवनमा प्रयोगमा आउने दैनिक सामाग्रीहरु विभिन्न प्रकारमा लताकपडाहरु, खाद्यान्न, अटोमोवाइल, जुत्ताहरु तथा हस्तकलाका सामाग्रीहरु, कृषि औजारका सामाग्रीहरुको सामानहरु विशेष छुटका व्यवस्था हुने लामाले जनाए । मनोरज्जनका लागि महोत्सवमा बालउद्यान, रोटे पिङ, ड्रागन, नाउ, मिनी बन्जी जम्प, बाटर बल्ब, मिकी माउस, टेम्पालिङ, स्करपियो आदिका साथमा राष्ट्रिय तथा स्थानीय कलाकारहरुका हास्यव्यङग्य तथा गीत गायनको बेजोड प्रस्तृत प्रत्येक दिन रहने जनाइयो ।
महोत्सवलाई मेलालाई व्यवस्थित बनाउन विद्यार्थीहरुका लागि रु ५० र सर्वसाधारणका लागि रु ७० प्रवेश शुल्कको व्यवस्था गरिएको व्यवस्थापक बलराम श्रेष्ठले बताए । बृद्धवृद्धाहरुको लागि निःशुल्क प्रवेशको व्यवस्था गरिएका उनले जनाए ।
मेलाको क्रममा शनिवार विशेष सांस्कृतिक कार्यक्रम रहनेछ । साथै केडी थ्री डान्स कल्चर एकेडेमी प्रा. लि. भक्तपुरको विशेष प्रस्तुति रहने जनाइयो ।
