आज ङातापोलको ३२३ औं स्थापना दिवस
भक्तपुर, असार १२ गते
भक्तपुरको ऐतिहासिक तथा सांस्कृतिक महत्वले भरिपूर्ण ङातापोल –पाँच तल्ले) मन्दिरको आज ३२३ औं स्थापना दिवस मनाएको छ । हरेक वर्ष आजको दिन बुसादा पर्व मनाउँदै मन्दिरको छाना मर्मत तथा सरसफाई गरेका हुन् भने गजुरमा झण्डातोलन गरेर स्थापना दिवस मनाएको हो ।
मल्ल राजा भूपतेन्द्र मल्लले छ महिनामा निर्माण कार्य पूरा गरिएको सो मन्दिर नेवारी बास्तुकलाको अनुपम नमुनाको रुपमा लिने गरिन्छ । वि.स. १९९० सालको महाभूकम्पमा एक तल्ला र २०७२ सालको भूकम्पले सामान्य मात्र क्षति पुगेको सो मन्दिर भित्र सिद्धि लक्ष्मीको मूत्ति रहेको छ । तान्त्रिक देवीको रुपमा सिद्धिलक्ष्मीलाई गोप्य देवीको रुपमा तलेजुबाट पूजा र बोका बलि दिएर स्थापना दिवस मनाउने परम्परा रहेका छन् । मन्दिरमा भने मन्दिर बनाएका विभिन्न समुदाय मध्ये तुछि मल्लाका अवाल समुदायले आज विशेष पर्वको रुपमा ङातापोलको बुसाँदा अर्थात स्थापना दिवस मनाएका हुन । हरेक सम्पदाको निर्माण सम्पन्न भएको दिनलाई हरेक वर्ष बुसाँदा अर्थात जन्म दिनको रुपमा (स्थापना दिवस) मनाउँदै आएको छ।
