थप कोरोना संक्रमित १,२४६ र निको हुनेको संख्या १,२४३, भक्तपुरका ५० संक्रमति
भक्तपुर, असोज १ गते
लामो र छोटो दुरीका सवारी चलेको दिन कोरोना संक्रमित र निको हुनेको संख्या करिब बराबर देखिएको छ । कोरोना संक्रमणबाट बिहिबार एक्कै दिन १हजार २४६ थप सक्रिमित भएका हुन भने १ हजार २४३ जना कोरोना संक्रमणबाट मुक्त भएका छन् ।
भक्तपुरका ५० जना सहित आज थप १ हजार २४६ जना कोरोना संक्रमित भएका छन् । काठमाण्डौ उपत्यकामा भने ६१८ कोरोना संक्रमित थपिएका छन् । उपत्यकामा काठमाण्डौका ५०७ जना, ललितपुरका ६१ जना र भक्तपुरका ५० जना कोरोना संक्रमित भएका हुन । भक्तपुरका २९ महिला र २१ पुरुष सहित ५० जना कोरोना संक्रमित भएको स्वास्थ्य तथा जनसंख्या मन्त्रालयले जनाएको छ । मन्त्रालयका प्रवक्ता डा.जागेश्वर गौतमका अनुसार पछिल्लो २४ घण्टामा १० हजार ६४१ जनाको पीसीआर परीक्षण गर्दा १,२४६ थप कोरोना पोजेटिभ भएको हुन । योसँगै कुल संक्रमितको संख्या ५९ हजार ५७३ पुगेको छ भने पछिल्लो २४ घण्टामा १ हजार २४३ जना कोरोना संक्रमण मुक्त भई घर फर्केका छन् । कुल कोरोना निको हुनेको संख्या ४२ हजार ९४९ पुगेको छ । यसरी कोरोना संक्रमण निको हुनेको ७२ प्रतिशत छ । अहिले सक्रिय संक्रमति १६ हजार २४१ आइसोलेसनमा छन् । क्वोरेन्टिनमा ८८३ जना, १४२ जना आइसीयू र ३९ जना भेन्टिलेटरमा उपचाररत रहेको जनाएको छ ।
कोरोना संक्रमणबाट पछिल्लो २४ घण्टामा ४ जनाको मृत्यु भएसँगै मृत्यु हुनेको संख्या ३८३ पुगेको छ।
