९ दिन ८ रातको विस्का जात्रा आज सम्पन्न हुने
वर्षको मसान्त अर्थात चैत्र ३१ गते विहान उठाएको हात नभएको योसी (लिंगो) विधिपूर्वक आज विहान ढालेको छ । भक्तपुर नगरपालिका वडा नं ४ स्थित तालाक्व गणेश मन्दिरसँगै उठाएको सो लिंगो आज विहान ढालेको हो । यस लिगोमा हात पनि छैन र हलिं पत पनि छैन र पनि विस्का जात्रा अवधिभर उभ्याएर जात्राको रौनक बढाइ रहेको हुन्थ्यो । लिंगो ढालेपछि आज साँझ भद्रकाली र भैरवको रथ तानेर जात्रा समापन गर्ने चलन छ । विस्का जत्रा मनाउन तल्ल झरेका भैरवनाथ र भद्रकालीलाई गःहिटीबाट तौमढी तानेर ल्याएर जात्रा समापन गर्ने चलन छ ।
९ दिन ८ रातको विस्का जात्राको परम्परा अनुसार आज अन्तिम दिन गःहिटीमा राखिएको भैलख र भद्रकालीको रथलाई तानेर नगरको माथिलो भाग ल्याउने चलन रहेको हो । माथिलो भाग साकोठा र तल्लो भाग बुलुचासम्म मात्र भैरवनाथको रथ तान्ने चलन रहे पनि अचले भैरवनाथलाई दत्तात्रय र नासमनासम्म तान्ने गर्दछन् । विस्का जात्राको पहिलो दिन नगरको तल्लो भाग लाने र जात्राको अन्तिम दिन माथिलो भाग तान्ने चलन अनुसार आज साँझ रथ तान्ने छन् ।
