भैलखको अंसि भाचिएपछि नकिंजु खचा तानियो
भक्तपुर, बैशाख ५ गते
भैलखको असी भाचिन्दा जात्रा अवरुद्ध भएको छ । द्यः थाविज्याईगु जात्रा मनाउनेक्रममा गःहिटीबाट तौमढीस्थित ङातापोल मन्दिर अगाडी भैरवनाथ मन्दिर को उत्तरी क्षेत्रमा पुर्याउने बेला दुवै तर्फ तानतान हुँदा रथको आगाडी दायाँतर्फको पांग्रा ढलेको थियो । पांग्रासँगै रहको काठ अन्सि भाचिएपछि प्रांग्रा ढलेको हो । गत चैत्र ३१ गते गः हिटीमा अंसि भाचेर केही घण्ठा जात्रा अवरुद्ध भएको थियो भने आज करिब निर्धारित क्षेत्रमा पुग्ने बितिकै अंसि भाचिएपछि जात्रा समापन गरिएको थियो । भैरवको रथ तानेर मनोरञ्जन गर्ने जात्रालुहरुले अन्तत नकिजु खचाको सहारा लिदै दत्तात्रय मन्दिर परिसरसम्म तानेर मनोरञ्जन लिएका थिए ।
