यात्रु महादेवको महायज्ञबाट साह्रे आठ लाख भन्दा बढी रकम संकलन संकलन
भक्तपुर, चैत्र २५ गते
निस्कलंकेश्वर यातु महादेव स्थानमा हिजो सम्पन्न सप्ताहव्यापी ज्ञान महायज्ञका पडितहरुलाई आज विदाई गरेको छ । एक हप्ताको महायज्ञमा थप २ दिन गरेर ९ दिनसम्म महायज्ञ गर्दै आज पण्डित कपिल देव भट्टको टोलिलाई आज विदाई गरेको हो । बाध्यबादक, कलाकार र भान्से सहित ८ जनालाई आज विदाई गरेको यात्रु महादेव मन्दिर सेवा समितिका अध्यक्ष विशलाल बाला श्रेष्ठले जनाएको छ । ९ दिनको महायज्ञमा ८ लाख ५० हजार भन्दा बढी आर्थिक सहयोग जुतेको भन्दै अध्यक्ष बालाले उठेको रकमले मन्दिर व्यवस्थापनकालागि कोष बनाउने जनाएको छ । अध्यक्ष बालाका अनुसार धेरैले दानको याचना गरेको उल्लेख गर्दै चाँगुनारायण नगरपालिकाले पनि १० लाख सहयोग गर्ने घोषणा भएको बताएका छन् । यस्तै रकम प्राप्त गर्दै ३ सय वर्ष भन्दा बढी पूरानो यातु महादेवको संरक्षण र प्रर्वद्धन गर्न आवश्यक निर्माण, मर्मत सम्भार, सरसफाई तथा जात्रा व्यवस्थापन पनि हुने गरी कोष सञ्चालन गर्ने बताएका छन् ।
