तेस्रो भक्तपुर कप २०८०मा आज झौखेल यूनाईटेड र द राइजिङ्ग बुङा युवा क्लवको जित
भक्तपुर, फाल्गुण १९ गते
तेस्रो भक्तपुर कप २०८०को दोस्रो दिन शनिबार भएको प्रतियोगिताबाट झौखेल यूनाईटेड र द राइजिङ्ग बुङा युवा क्लवले जिते निकालेको छ । भक्तपुर युवा टिमले आयोजना गरेको सो प्रतियोगिताको आज भएको पहिलो खेलमा झौखेल यूनाईटेडले १ का विरुद्ध ४ गोल गरी सृजनानगर फुटबल क्लबलाई हराएको थियो । सो प्रतियोगिताको म्यच अफ द म्यानमा झौखेल यूनाईटेडको जर्सि नं. २ का संयोज महर्जन उत्कृष्ठ घोषित भइ नगद रु. दुई हजार सहित पुरस्कृत भएका थिए भने उदेयमान खेलाडीको रुपमा सृजना नगर फुटबल क्लवका जर्सि नं २०का गोलकिपर जित घले पुरस्कृत भएका थिए ।
आजै भएको दोस्रो खेलमा भने भक्तपुर नगरपालिका र द राइजिङ्ग बुङा युवा क्लवले खेलको अन्तिम चरणसम्म पनि गोल रहित बराबरीमा खेल खेलेका थिए । निर्धारित समय पछि भएको पिनाल्टि सुटमा भक्तपुर नगरपालिकाको १ गोल विरुद्ध ३ गोल गरी द राइजिङ्ग बुङा युवा क्लवले जितेको थियो । सो खेलमा द राईजिङ्गका गोलकिपर कपिल प्रजापति उत्कृष्ठ खेलाडी घोषित भई पुरस्कृत भएका थिए भने उदेयमान खेलाडीको रुपमा भक्तपुर नगरपालिकाका खेलाडी रुजल कवां पुरस्कृत भए ।
