निल बाराहीमा आज १५ औं हप्ताको श्रमदान, पुनः बृहत्त श्रमदानको तयारी
मध्यपुर, भाद्र१५ गते
निल बाराही संरक्षण सरोकार समितिले आज १५ औं हप्ताको श्रमदान गरेका छन् । हिजो डोजर बिवाद समाधान गरी आज शनिबारको दिनमा १५ औं हप्ता ५० जना भन्दा बढीले श्रमदान गरेको जनसञ्चार खवरलाई बताउँदै अभियान्ता निःशुल प्रजापतिले आजको श्रमदानमा पहिरोको जोखिम भएका ठाउँहरुमा बासको किला ठोकेर बार बनाउनुका साथै पानीले बगाएका ठाउँहरुको मर्मत गरेको जनाएको छ । उहाँले आज बुबाको मुख हेर्ने दिन सबै ब्यष्ट रहने भए पनि सामान्य रुपमा श्रमदान गरी पहिरो रोकथाम कार्य गरेको जनाएका छन् । आज १५ औं हप्ता अर्थात श्रमदानको १०५ औं दिनको श्रमदान सम्पन्न गरी हरेक सोमबार, बुधबार र शनिबारका दिन भईरहेको वृहत श्रमदान कार्यलाई पुनः सक्रिय बनाउने तयारी गरेको जनाएको छ । श्रमदानबाटै मन्दिरको पहिरो रोकथामकालागि सरोकारवालाहरु बीच छलफल समेत भइरहेको उहाँले जनाएको छ ।
