प्यालेस्टाइनीमाथि इजरायलीे आक्रमण विरुद्ध विद्यार्थीहरुको विरोध जुलुस र सभा
भक्तपुर, मंसिर ८ गते
प्यालेस्टाइनीमाथि इजरायलीे आक्रमण विरुद्ध विद्यार्थी हित समिति भक्तपुरले आज भक्तपुरमा विरोध जुलुस तथा सभा आयोजना गरेको छ । भक्तपुर नगरको कमलविनायक र दरवार क्षेत्रबाट विभिन्न विद्यालयका हजारौ विद्यार्थीहरुको सहभागितामा सुरु भएको जुलुस टौमढीमा पुगेर सभामा परिणत गरेको थियो । सहभागि युवा विद्यार्थीहरुले प्यालेसटाइनमाथि इजरायली फासीवादको बर्बर हमला तथा नरसंहार विरुद्ध जुलुस र सभा आयोजना गरेका हुन् । सभामा बोल्दै नेपाल क्रान्तिकारी विद्यार्थी संघका केन्द्रीय अध्यक्ष प्रकश गुरुङ्गले प्यालेस्टाइनी बालबालिकाले पढ्न, लेख्न समेत नसकिने गरी इजरायलले बर्बर आक्रमण गर्दा हजारौ विद्यार्थीहरुको मृत्यु र अंगभंग भएको बताउँदै त्यस्तो नरसंहार अन्त्य गर्न आग्रह गरे । इजरालय पढ्न गएका १० नेपाली विद्यार्थीहरुको समेत हत्या भएकोमा भत्र्सना गर्दै अध्यक्ष गुरुङ्गले नेपाली विद्यार्थीहरुले जुलुस र सभा आयोजना गरी प्यालेस्टाइनी माथि इजरालयकोे बर्बर आक्रमण विरुद्ध आवाज उठाएर संसारभर प्यालेस्टानिमाथि भएको अन्यायको विरुद्ध आवाज बुलन्द भएकोमा सहभागि विद्यार्थीहरुलाई धन्यवाद व्यक्त गर्नु भयो ।
