सँस्कृति मनाऔं, विकृति नफैलाऔं, बारुद्धपट्का नपड्काऔं
भक्तपुर, ३ कार्तिक । भक्तपुर नगरपालिका अनुगमन समितिका संयोजक राजकृष्ण गोराको संयोजकत्वमा तिहारमा बरुद्धपट्का पट्काउँदा हुने हानी नोक्सानी र मानिसहरुलाई अंगभंग हुन बाट भक्तपुर नगरभित्रका पसलहरुमा बारुद्धपटका बेचविखन गरेको छ छैन भनि अनुगमन गरियो । उहाँले सँस्कृति मनाऔं, विकृति नफैलाऔं, बारुद्धपट्का नपड्काऔं, अंगभंग हुनबाट बचाऔं भने भनाईलाई सार्थक बनाउन अनुगमन गर्दा अनुगमनमा तास, बारुद्ध पट्का भेटिएको संयोजक गोराले बताउनुभयो ।
न्यु गुप्ता पान भण्डार पसल नविकरण गर्न र जुवा खेल्ने तास ३६ जोर जफत गरी नष्ट गरियो । त्यस्तै लक्ष्मी स्टोर विना दर्ता २०७० सालदेखि संचालन गरेकोले तीनदिन भित्र दर्ता गर्न, नागिन चक्र बरुद्ध ३८ पिस जफत गरि नष्ट गरी तीन दिन भित्र नगरपालिकामा हाजिर हुन निर्देशन दियो । त्यस्तै कृष्ण प्रसाद श्रेष्ठको पुजा सामाग्री पसलमा चक्र पटका बरुद्ध ९ पिस, गोल्डेन कोब्रा बार २९ पाकेट, रकेट पट्का २ पाकेट, रोल क्याप बार ८ रोल, जफत गरी नष्ट गरियो भने पसल दर्ताको कागजात नदेखाएकोले कागजात लिएर तीन दिन भित्र नगरपालिकामा उपस्थित हुन निर्देशन दियो । त्यस्तै नारायण कृष्ण छुंजुको किराना पसलमा चक्रबार १० पिस, कोब्रा बारुद्ध ५ पाकेट, गमला बार १० पिस, भुईच्याम्पा बारुद्ध ५ पाकेट जफत गरी नष्ट गरियो भने पसल नविकरण गरी तीन दिन भित्र नगरपालिकामा उपस्थित हुन निर्देशन दियो । त्यस्तै अनिता स्टोर कोब्रा बारुद्ध १०४ वटा जफत गरी नष्ट गरियो भने पसल दर्ता नभएकोले दर्ता गरी तीन दिन भित्र नगरपालिकामा उपस्थित हुन निर्देशन दिएको वडानिरिक्षक रामकृष्ण प्रजापतिले बताउनुभयो साथै जफत गरिएको बारुद्धपट्का करिब दश हजार रुपैंया बराबरको रहेको बताउनुभयो ।
अनुगमनमा अनुगमन समितिका सदस्य रोशनमैया सुवाल, रिता फसिकवा, ज्ञानबहादुर मानन्धर, भनपा श्यानिटेशका न.नि. दिलिपकुमार सुवाल, व.नि.रामकृष्ण प्रजापति, कर शाखाका मोहन देबी व्याञ्जू, जिल्ला प्रशासन कार्यालयमा यादव प्रसाद मिश्र, महानगरीय प्रहरी प्ररिसरका प्रहरी सहायक निरिक्षक भागउर प्रसाद हरिजन, प्रहरी जवान चन्द्र बहादुर खत्री र टिकाराम यरी, उद्योग बाणिज्य संघका गौतम सुजखुको सहभागी थियो ।
