समय साकोसको १२ वार्षिकोत्सव सम्पन्न
भक्तपुर, असोज २ गते
भक्तपुर नगरपालिकाका प्रमुख सुनिल प्रजापतिले सर्त सहितको विदेशी सहयोगलाई अस्विकार गर्दै भक्तपुर नगरपालिकाले आफ्नै खुट्टामा उभिएर नगरका ऐतिहासिक सम्पदाहरुको संरक्षण गर्दै आएको बताउनु भएको छ । समय साकोसको १२ वार्षिक साधारण सभाको शनिबार उद्घाटन गर्दै नगरप्रमुख प्रजापतिले भक्तपुर नगरलाई शिक्षा, स्वास्थ्य र पर्यटन क्षेत्रमा उदाहरणीय र गन्तव्यस्थलको रुपमा विकास गर्दै आएको बताउनु भयो । संस्थाका अध्यक्ष श्यामसुन्दर बेकोजूको सभापतित्वमा भएको सो कार्यक्रममा भनपा ८का वडाध्यक्ष कृष्णप्रसाद कोजूले नगरवासी र वडाबासीहरुको सहभागितामा सामूहिक भावनाका साथ जनप्रतिनिधीहरुले समुदायका लागि क्रियाशिल रहेको उल्लेख गर्नु भयो ।
२ करोड ७२ लाख ५० हजार भन्दा बढी शेयर पूंजी र एक करोड १० लाख भन्दा बढी सम्पति आर्जन गरि सकेको समय साकोसको १२ औं वार्षिक साधारण सभामा सिद्धिगणेश, भक्तपुर साकोस सहित विभिन्न मित्र सहकारीहरुका प्रतिनिधीहरुले सुभकामना मन्तव्य व्यक्त गरेका थिए । साथै सो अवसरमा एसईई २०७९का विद्यार्थी, असल ऋणी र बचतकर्ताहरुलाई सम्मानित गरिएको थियो ।
