भनपा ३ मा भारिमतले प्यानलसहित नेमकिपाको जित
भक्तपुर, जेष्ठ १ गते
भक्तपुर नगरपालिका वडा नम्वर ३ मा पनि नेमकिपाको मादलले भारिमतले जित हाँसिल गरेको छ । निकतम प्रतिद्वन्दी रुखले ७०५ मत प्राप्त गर्दा मादलले २४४० मत प्राप्त गरि विजयी भएको छ । सो वडामा सूर्यले २५६ , हसियाँ हथौडाले ८१ मत प्राप्त गरेको थियो । सो वडामा विजयी भएका मादलका वडाध्यक्ष उम्मेदबार राजकृष्ण गोराले २०७४ सालको निर्वाचनमा १६६६ मतले विजयी गरेको थियो भने यसपालिको निर्वाचनमा थप ७७४ मत प्राप्त गरी अत्यधिक मतले विजयी भएको छ । सो वडामा कुल ३९९० मत खसेकोमा मादल एक्लैले २४४० मत प्राप्त गरी प्यानल सहित विजयी गरेको हो । कुन मतको ६५.८० % मादलले प्राप्त गरेको हो ।
यस भन्दा अघि भनपा १मा मादलको श्यामकृष्ण खत्रीले कुल खसेको ३५२० मतमा २१४३ मत प्राप्त गरी प्यानल सहित विजयी भइसकेको छ । सो वडामा पनि २०७४ सालमा १३७६ मत प्राप्त गरी विजयी भएका खत्रीेले यसपालि थप ४६७ मत प्राप्त गरी विजयी भएका हुन ।
आज विहान ५ः३० को मत परिणाम अनुसार भनपा २ मा कुल खसेको ५१९४ मतमा २५७२ मत गणना हुँदा मादलको प्यानलले १२७४ प्राप्त गरिसकेको छ भने सो वडामा सूर्यले २७५, रुखले १५५, खरायोले ४२० हलोले १०२, हसिया हथौडाले ९७ मत प्राप्त गरेको छ भने भनपा ४ मा ८०९ मतको गणना हुँदा मादलले ६९९, सूर्यले १७, रुखले ५१, हसिया हथौडाले १३ मत प्राप्त गरेको छ ।
