भक्तपुर नगरपालिकामा मादल अग्रपंतिमा
भक्तपुर, बैशाख ३१ गते
आज विहान देखि मतगणना सुरु भएको भक्तपुर नगरमा मादल अग्रस्थानमा रहेको छ । नेमकिपाको मादलले अहिले दिउँसो २ः३० सम्मको मत गणना अनुसारे प्रमुखमा २०१५ उपप्रमुखमा २०१७ मत प्राप्त गर्दा सूर्यले प्रमुखमा १५९ र उपपुखमा १५७ र रुखले प्रमुखमा १३३ र उपप्रमुखमा १११ तथा हसियाँ हथौडाले प्रमुखमा ८० र उपप्रमुखमा ८४ मत प्राप्त गरेको छ । अहिले भनपा वडा नम्वर १,२ र ३ को गणना भइरहेको छ । वडास्तरमा एकछापे मत भनपा १ मा मादलले ६६३, सूर्यले ३६ र रुखले ६ मत प्राप्त गरेको छ भने भनपा २मा गनेकोे ७०० मतमा मादल ५३८, सूर्य ३९, रुख ३४ मत प्राप्त गरेको छ भने भनपा ३ मा मादल ६५९, रुखले ४२ मत हसिया हथौडाले २८ मत प्राप्त गरेको मुख्य निर्वाचन अधिकृत गोपाल प्रसाद बास्तोलाले जनाएको छ।
