२४ औं पुरुष र ९ महिला भारोत्तोलन मध्यपुरमा आयोजना हुने
मध्यपुर, पौष १५ गते
साग र अन्य अन्तर्राष्ट्रिय खेलकूदमा नेपालले सबै भन्दा बढी पद्क जित्न सफल खेल भारोत्तोलनको राष्ट्रिय प्रतियोगिता भक्तपुरमा आयोजना हुने भएको छ । यही पौष २७, २८ र २९ गते सम्म २४ औं पुरुष तथा ९ औं महिला राष्ट्रिय भारोत्तोलन प्रतियोगिता युथ, जुनियर र सिनियर गरी ६ वटा इभेन्टस् एकैचोटी भक्तपुरको मध्यपुर थिमीमा आयोजना हुने भएको आयोजक नेपाल भारोत्तोलन संघले जनाएको छ । संघले आज मध्यपुर थिमीमा पत्रकार सम्मेलन आयोजना गरी प्रतियोगिता बारे जानकारी दिदै साग एरिनामा १५८ र अन्य अन्तर्राष्ट्रिय प्रतियोगिता समेत गरी भारोत्तोलनमा हालसम्म १८४ सर्वाधिक पद्क प्राप्त गर्न सफल भएको जनाए ।
मध्यपुर ठिमीमा आयोजना हुने यस वर्षको राष्ट्रिय प्रतियोगितामा २३ टिम सहभागि हुने निश्चित भएको भन्दै संघका अध्यक्ष रामकृष्ण श्रेष्ठले सो प्रतियोगिता १८० पदकका लागि हुने बताए । IWF, AWF र NWA को नियम अन्तर्गत सञ्चालन हुने सो प्रतियोगितामा अन्दाजी २०० जना खेलाडी सहभागि हुने आयोजकले जनाएको छ । सो प्रतियोगिता सफलतापूर्वक आयोजना गर्न अनुमानित ५१ लाख रुपियाँ बजेट विनियोजन गरिएको पनि आयोजक समितिले जारी गरेको विज्ञप्तिमा उल्लेख छ ।
