भक्तपुरमा अझै ५७७ सक्रिय संक्रमित
भक्तपुर, भाद्र २ गते
देशभर कोरोना संक्रमण दर घट्दै गए पनि भक्तपुरमा अझै ५सय भन्दा बढी संक्रमितहरु रहेको स्वास्थ्य कार्यालय भक्तपुरले जनाएको छ । २८ हजार ४४६ संक्रमितहरु मध्ये २७ हजार ५ सय २९ जना निको भएपछि हाल ५ सय ७७ जना संक्रमितहरु रहेको कार्यालय प्रमुख कृष्णवहादुर मिजारले जनाएको छ । सक्रिय संक्रमित मध्ये २१ महिला र २१ पुरुष गरी ४२ जना अस्पताल र संस्थागत आइसोलेशनमा रहेका छन् भने ५ सय ३५ जना होम आइसोलेशनमा रहेका छन् । कोरोना संक्रमणबाट हालसम्म भक्तपुरमा ३४० जनाको मृत्यु भइसकेको छ मृत्यु हुनेहरुमा २१८ पुरुष र १२२ महिला थिए । पछिल्लो २४ घण्टामा २४ पुरुष र २४ महिला गरी ४८ जना संक्रमितहरु संक्रमण मुक्त भएका छन् ।
भक्तपुर नगरमा हालसम्म २६८१ पुरुष र २४६४ पहिला गरी ५१४५ जनामा कोरोना संक्रमण पुष्टि भइसकेका छन् । त्यस मध्ये हाल ७९ जना सक्रिय संक्रमित छन् भने चाँगुनारायण नगरपालिका क्षेत्रमा २१२२ पुरुष र १६५४ महिला गरी ३७७६ जना संक्रमित भइसक्दा १०५ संक्रमित बाँकी छन् । यस्तै मध्यपुर थिमी नगरपालिकाका ४८५२ पुरुष र ४२४२ महिला गरी ९ हजार९४ जना संक्रमित भएका मध्ये १७० संक्रिय संक्रमित छन् । सूर्यविनायक नगरपालिकामा ४९५३ पुरुष र ४१३६ महिला गरी ९०८९ संक्रमित भएका मध्ये अझै २०३ जना सक्रिय संक्रमित छन् । संक्रमितहरुमा ७४६ पुरुष र ५९६ महिला गरी १३४२ ठेगाना नखुलेका व्यक्तिहरु संक्रमित भएका थिए भने त्यस मध्येका अझै २० जना सक्रिय संक्रमित अवस्थामा छन् । यसरी कोरोना संक्रमण दर घद्दै गए पनि भक्तपुर जिल्लामा अझै ५ सय ७७ जना सक्रिय संक्रमित रेहेको कार्यालय प्रमुख मिजारले जनाए ।
