अनलाइन सञ्चारमाध्यम सुचिकरण सम्बन्धि मापदण्डबारे छलफल ।
अनलाइन व्यवस्थापनका विषयमा प्रेस काउन्सिल नेपालले सरोकारवाला निकायसँग सुझाव लिएको छ । मिल्दोजुल्दो अनलाइनलाई दर्ता र सूचीकरण नगर्ने बताएको काउन्सिलले अनलाइन सञ्चारमाध्यम सुचिकरण सम्बन्धि मापदण्ड २०७८ को मस्यौदाबारे सुझाव सङ्कलन गरिरहेको छ । छलफल कार्यक्रममा नेपाल पत्रकार महासङ्घका कोषाध्यक्ष कलेन्द्र सेजुवालले सूचना विभाग र प्रेश काउन्सिलले समन्वय गरी अनलाइन दर्ता प्रक्रियालाई सहज बनाउनुपर्ने बताउनुभएको थियो । त्यस्तै अनलाइन पत्रकार सङ्घका अध्यक्ष शिव सत्यालले समाचारको विषयवस्तुमा समेत काउन्सिलले ध्यान दिनुपर्ने बताउनुभयो । कार्यक्रममा काउन्सिलका अध्यक्ष बालकृष्ण बस्नेत र बोर्ड सदस्य लालबाबु शेखले प्राप्त सुझावलाई गम्भीर रुपमा लिई आवश्यक प्रक्रियामा लैजाने जानकारी दिनुभयो ।
