पानीमा डुबेर बालकको मृत्यु
भक्तपुर, माघ १३ गते
भक्तपुरको भेलुखेलमा पानीमा डुबेर एक जना बालकको मृत्यु भएको छ । भक्तपुर नगरपालिका वडा नं. ५ स्थित भेलुखेल बस्ने लक्ष्मी प्रसाद देउलाका ११ महिने बालक पानीमा डुबेर अशक्त भएका थिए । अशक्त बालकको उपचारकालागि सिद्धिस्मृति अस्पतालमा लगिएकोमा उपचारकैक्रममा आज दिउँसो मृत्यु भएको महानगरीय प्रहरी परिसर भक्तपुरले जनाएको छ । प्रहरीका सुचना अधिकारी बसन्त पाठकका अनुसार खाटमा सुत्तिरहेका बालक अचानक कपडा धुन १० लिटरको भाडोमा तताएको पानीमा खसि डुब्बेर अशक्त भएका थिए । अशक्त भएका बालकको उपचारकोक्रममा मृत्यु भएको भन्दै घटनास्थलमा पुगेर महानगरीय प्रहरी परिसर भक्तपुरका अनुसन्धान अधिकृत सहितको टोलीले थप अनुसन्धान कार्य गरिरहेको सूचित गरेको छ ।
