आज ५३३ जनामा कोरोना सङ्क्रमण, १ जनाको मृत्यु ।
पछिल्लो २४ घण्टामा ५३३ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १४ हजार ९१८ पीसीआर परीक्षणमा ४४३ जना र एक हजार ८१८ एन्टिजेन परीक्षणमा ९० जना गरी ५३३ जनामा कोरोना सङ्क्रमण पुष्टि भएको हो । मन्त्रालयका अनुसार पछिल्लो २४ घण्टामा कोरोना सङ्क्रमण निको भइ घर फर्कनेको संख्या ४८४ रहेको छ । पछिल्लो २४ घण्टामा कोरोना सङ्क्रमणबाट १ जनाको मृत्यु भएको छ । हाल देशमा कोरोना भाइरसको सक्रिय सङ्क्रमितको सङ्ख्या ७ हजार ६१२ रहेको छ ।
