राष्ट्रिय जनगणना २०७८का लागि सूचीकरण जारी, सही ताथ्या दिन आग्रह
भक्तपुर, भाद्र ४ गते
राष्ट्रिय जनगणना २०७८ सफल बनाउन अहिले घर आगँनमा पुगेर सूचीकरण कार्य गरिरहेको छ । देशभर ८ हजार ५ सय गणकहरुलाई ४० हजार गणना क्षेत्रमा परिचालन गरी नेपाल सरकारको तथ्यांङ्क विभागले राष्ट्रिय जनगणना २०७८को अन्तिम तयारी गरी रहेको भक्तपुर जिल्ला राष्ट्रिय जनगणना २०७८का कार्यालय प्रमुख पृथ्वी विजयराज सिजापतिले जनाएको छ ।
सही तथ्यांक संकलनले मात्रै देशको समूनत विकास हुन सक्ने भन्दै जो जहाँ रहेका छन् सोही ठाउँबाट जनगणना गर्ने गरी अहिले सूचीकरण कार्य भइरहेको उहाँले जनाए । सूचीकरणका लागि गणकले मागेका तथ्याङ्कहरु सहीरुपमा उपलब्ध गराउन उहाँले जिल्लाबासीलाई आग्रह गरेका छन् । यसरी संकलन गरीएका तथ्यांङ्कहरु गोप्य राखिने उल्लेख गर्दै सही दाता संकलनका लागि भक्तपुर जिल्लामा ४ सय ८५ गणना क्षेत्र निधारण गरी ११२ जना गणकहरु स्थलगतरुपमा परिचालन गरेको उहाँले बताए ।
प्रत्येक १०।१० वर्षमा गर्दै आएको राष्ट्रिय जनगणना २०७८ कोरोना संक्रमणका कारण प्रभावित भएकाले गते भाद्र ३० गते देखि असोज १८ गतेसम्म सूचीकरण गरि सक्ने गरी धमाधम तालिम परामर्शसँगै गणकहरु घरदैलोमा पुगेर जनगणनाको सूची तयार पारिरहेको छ । हरेक गणकले तोकिएको गणना क्षेत्रबाट १५ दिन भित्र सूची तयारी पार्ने गरी गणकहरु परिचालन भएको उहाँले जनाए । सूचीकरणका लागि घरदैलो पुग्दा करको दायरामा लग्ने होकी? ऋण वा बैंकिङ कारोबार बारे जानकारी दिए ऋण तिर्न समस्या हुने होकी? वा व्यक्तिगत गोपनियता भंग हुने हो की भन्ने जिज्ञासाहरु समुदायबाट आइरहेको उल्लेख गर्दै कार्यालय प्रमुख सिजापतिले ति सबै तथ्यांगहरु राष्ट्रिय जनगणनाको प्रयोजनका लागि मात्रै प्रयोग हुने भएकाले निर्धक भएर सही सूचना दिन आग्रह गरे ।
अहिले घर दैलोमा आएका गणकहरुले सूचीकरण मात्रै गरिने र कार्तिक २५ गते देखि मंसिर ९ गतेसम्म बास्तिविक जनगणना गरिने कार्यालय प्रमुख सिजापतिले जानकारी दिए । “यसपालिको मेरो गणना, मेरो सहभागिता” नाराका साथ जनगणनाको तयारी भइरहेको छ ।
