नेपालमा बायोइथिक्सबारे अन्तर्राष्ट्रिय सेमिनार सम्पन्न ।
नोभेम्बर ७, शनिवार । कोभिड १९ महामारीको सन्दर्भमा उठेका अहम् नितिगत सवालहरुमा केन्द्रित भएर युनेस्कोको बायो–इथिक्स नेपाल एकाईले अन्तर्राष्ट्रिय सेमिनार (वेभिनार) आयोजना गरेको हो ।
नेपाल एकाईका प्रमुख प्रा.डा. धनरत्न शाक्यको अध्यक्षतामा सम्पन्न यस अन्तर्राष्ट्रिय भर्चुअल सेमिनार नेपालको विपिकोस्वाविप्र, धरानको शुरुवाती बर्षमा योगदान पु¥्याउनुहुने भारतका प्रा.डा. ओपि काल्राले उद्घाटन गर्नुभएको हो । उक्त कार्यक्रममा युनेस्कोको बायोइथिक्सकोे एशिया प्यासिफिक तथा शिक्षा विभागका प्रमुख अस्ट्रेलियाका प्रा.डा. रस्सेल डिसुजा, भारतीय शिक्षा विभागका प्रमुख प्रा.डा. वेदप्रकाश मिश्र, युनेस्कोको पाठ्यक्रमका प्रमुख प्रा.डा. प्रिन्सि पालेटी बक्ता हुनुहुन्थ्यो ।
नेपाल एकाईका सदस्य सचिव प्रा. समि लामाबाट सञ्चालित उक्त कार्यक्रममामा वि.पि. कोइराला स्वास्थ्य विज्ञान प्रतिष्ठानका डिन प्रा.डा. शिवेन्द्र झाले प्रतिष्ठानका तर्फबाट शुभकामना मन्तब्य राख्नुभयो भने युनेस्कोको भारतीय बायोइथिक्स कार्यक्रमका प्रमुख प्रा.डा. मेरी मेथ्युले पनि सम्बोधन गर्नुभएको हो ।
विश्वभरि नै सञ्जाल रहेको युनेस्कोको बायोइथिक्स समूहमा नेपाल सन् २०१४मा संलग्न भएको हो । नेपालमा यस एकाईको स्थापना गर्न अहम् भुमिका रहेका निवर्तमान प्रमुख प्रा.डा. धनरत्न शाक्यले युनेस्कोको बायोइथिक्स चेयरका मूल ध्येय अनुरुप यस एकाईले स्थापनाकालेदेखि गर्दै आएका विविध क्रियाकलापहरुबारे बिस्तृत कार्यपत्र प्रस्तुत गर्नुभयो । युनेस्कोको बायोइथिक्स चेयरले चिकित्सा, स्वास्थ्य र जीवन विज्ञान क्षेत्रमा शिक्षा, सेवा र अनुसन्धानमा नितिनियम (इथिक्स)को अध्यापन, तालिम र अनुसन्धानको लागि जोड दिएकोछ ।
सो सेमिनारमा प्रा.डा. रस्सेल डिसुजाले कोभिड महामारीले मनोस्वास्थ्यमा पारेका असरहरु, प्रा.डा. वेदप्रकाश मिश्रले कोभिड महामारीको परिप्रेक्ष्यमा स्वास्थ्य विज्ञानको पाठ्यक्रममा देखिएको परिमार्जनको आवश्यकता र प्रा.डा. प्रिन्सि पालेटीले कोभिड बिरुद्धको भ्याक्सिनको बिकास तथा बितरणमा देखिएका नैतिक सवालहरुबारे कार्यपत्र प्रस्तुत गर्नुभएको हो । लगभग चारशय बढी सहभागिहरु भएको सो अन्तर्राष्ट्रिय सेमिनारमा बक्ताहरुले सहभागीहरुको प्रश्नको उत्तर पनि दिनुभएको थियो ।
कार्यक्रमका संयोजक रहेका नेपाल एकाइका प्रमुख प्रा.डा. धनरत्न शाक्यले यस सेमिनारले कोभिडको महामारीको परिप्रेक्ष्यमा उब्जेका मूल मुद्धाहरुमा रहेका अन्यौल चिर्न र अगाडि बढ्नका लागि मार्गनिर्देशन गर्न सघाउने विश्वास ब्यक्त गर्नुभयो । बायोइथिक्सबारे छलफल, अध्ययन, मन्थन र मनन्का यस्ता अबसर र कार्यक्रमहरुबाट बायोइथिक्सको ज्ञान र जानकारी बिस्तारित हँुदैजाने शुभेच्छा पनि राख्नुभयो ।
पूरा कार्यक्रम यो लिन्कमा हेर्न सक्नुहुन्छ ः
