आज थप १३५१संक्रमित, ७४२ जना कोरोना मुक्त
भक्तपुर, असोज १२ गते
कोरोनाले आज भक्तपुरका ३६ जना संक्रमित हुँदा देशभर १ हजार ३५१ जनामा कोरोना पोजेटिभ पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयको नियमित प्रेस ब्रिफिंगकाक्रममा प्रवक्ता डा.जागेश्वर गौतमले काठमाण्डौ उपत्यकाका ८१७ सहित देशभर आज १हजार ३५१ जना थप संक्रमित रहेको जनाएको हो । पछिल्लो २४ घण्टामा १० हजार ८० जनाको पीसीआर परीक्षण गर्दा १हजार ३५१ जनामा पोजेटिभ आएसँगै हाल कुल संक्रमतिको संख्या ७४हजार ७४५ पुगेको बताएको छ भने पछिल्लो २४ घण्टामा ७४२ जना कोरोना संक्रमण मुक्त भएका छन् । कोरोना मुक्त हुनेको संख्या ५४ हजार ६४० जना पुगेको छ । कोरोना निको हुने दर ७३ प्रतिशत रहेको छ | सक्रिय संक्रमित १९ हजार ६२४ विभिन्न आइसोलेसनमा उपचारत छन् भने ६ हजार ३१० क्वारेन्टिनमा रहेको पनि प्रवक्ता डा. गौतमले जनाएको छ ।
कोरोना संक्रमणबाट २४ घण्टामा थप ४ जनाको मृत्यु भएको उल्लेख गर्दै मन्त्रालयले मृत्यु हुनेको संख्या ४८१ पुगेको पुष्टि गरेको छ ।
कोरोना संक्रमणमा बागमती प्रदेश अग्र स्थानमा छ । आज संक्रमित मध्ये ८९३ जना संक्रमित यसै प्रदेशका रहेका छन् । काठमाण्डौ उपत्यकामा थपिएका ८१७ जना संक्रमतिहरुमा काठमाण्डौका मात्रै ६४९ जना छन् भने ललितपुरका १३२ जना र भक्तपुरका ३६ जना छन् । स्वास्थ्य मन्त्रालयको विवरण अनुसार काठमाण्डौका २३५ महिला र ४१४ पुरुष गरी ६४९जना, ललितपुरका ५० महिला र ८२ पुरुष गरी १३२ र भक्तपुरका १६ महिला र २० पुरुष सहित ३६ जना गरी ८१७ जना संक्रमित थपिएका हुन ।
